Էկոտուր 2014 Միջազգային ամենամյա բաց ստուգատեսի մրցանակակիրների 41 հոգանոց խումբը հուլիսի 6-12-ը, «Զիկատար» բնապահպանական կենտրոնում մասնակցեց միջազգային էկոճամբարի:
Մասնակիցներն էին.
- Թբիլիսի 98 դպրոցի թիմ – 7 սովորող, 2 ղեկավար
- Թբիլիսիի Սոլիկո Վերսալաձեյի անվան գեղարվեստի դպրոցի թիմ – 4 սովորող, 1 ղեկավար
- Ստեփանակերտի դպրոցների թիմ- 5 սովորող, 1 ղեկավար
- Բազմաղբյուրի միջնակարգ դպրոցի թիմ – 4 սովորող, 1 ղեկավար
- Բջնիի միջնակարգ դպրոցի թիմ – 4 սովորող
- Կրթահամալիրի էկոլոգների ակումբ 4 սվորող
- Կրթահամալիրի Գեղարվեստի ավագ դպրոց 2 սովորող
- Կրթահամալիրի միջին դպրոց 1 սովորող
Ճամբարը կազմաված էր եկու փուլից՝ նախապատրաստական աշխատանքներ և էկոճամբար Զիկատարում:
Նախապատրաստական փուլում կապ ենք հաստատել բոլոր մասնակից խմբերի հետ, ներկայացրել ճամբարը, տեղեկացրել երթուղու և ծրագրի մասին: Խմբերը իրենց սպասումն ու ոգևորությունը արտահայտել են նյութերով՝
- Անհամբեր սպասում ենք…
- Здравствуйте
- Դե ինչ, առաջ դեպի Զիկատար
- Բազմաղբյուրի էկո թիմը անհամբեր սպասում է
Միասին կազմել ենք Էկոճամբարի երթուղին:
Հուլիսի 6-ին, կազմված երթուղով, շարժվել ենք դեպի Զիկատար: Ըստ ծարգրի առաջին օրն անց ենք կացրել Սևանա լճի հանրային լողափում, այնուհետև ուղևորվել բնապահպանական կենտրոն:
Ճամբարի պաշտոնական բացումը տեղի է ունեցել հուլիսի 7-ին՝ առավոտյան տոնական ընդհանուր պարապմունքի ժամանակ, որտեղ ներկայացվել է էկոճամբարի ծրագիրը, կարգապահական կանոներն ու ուսումնական նախագծերը:
Հնգօրյա ճամբարը ամբողջությամբ հագեցած է եղել ուսումնական արշավներով, պարապմունքներով, դիտարկումներով, մարզական ժամով և ազգային պարերի ուսուցմամբ:
Էկոճամբարում երեք օր ուսումնական պարապմունքներ ու գործնական աշխատանքներ իրականացրեց ԵԿԱ-ի ներկայացուցիչ Լուսինեն: Նա ճամբարականներին բաժանել էր երեք փոքր խմբերի և առանձին-առանձին կատարում էր պարապմունքները, որոնց հետևում էին գործնական թռչնադիտարկումները անտառում: Վրաց խմբի համար պարապմունքներն անց էին կացվում անգլերենով կամ թարգմանվում էին վրացերեն:
«Զիկատար» բնապահպանական կենտրոնի գլխավոր անտառագետ Սեյրան Ազատյանի հետ կատարեցինք ճանաչողական արշավ անտառում. Ճամբարականները սովորեցին չափել ծառի հասակը, բարձրությունը, տարբերել ծառատեսակները, իմացան ինչպես կարելի է անտառում պաշտպանվել կենդանիներից և մոլորվելու դեպքում ինչպես գտնել ճիշտ ճանապարհը: Բջնիի թիմին հանձնարարվեց կազմել Զիկատարի անտառների մասին ուսումնական նյութ՝ ներառելով սեփական լուսանկարները:
Էկոճամբար այցելեց WWF հայաստանյան գրասենյակի ներկայացուցիչը, ով ճամբարականներին ներկայացրեց իրենց գործունեությունը ուղղված կենդանիների, անհետացող տեսակների պահպանությանն ու վերահսկողությանը: WWF-ը Զիկատարի անտառներում իրականացնում է անտառների տրանսֆորմացիա, որտեղ Հայաստանի գլխավոր անտառագետը անցկացրեց գործնական պարապմունք՝ ներկայացնելով տրասֆորմացիա երևույթը, դրա կարևորությունն ու անհրաժեշտությունը:
Ճամբարային օրերը սկսվել են մարզական ժամով և առավոտյան ընդհանուր պարապմունքով: Իրականացվել են պարուսուցման ժամեր, որի արդյունքում ողջ ճամբարը փակմանը պարեց «Վերվերի», «Ծաղկաձորի», «Նինարե»: Վրաց խումբն էլ իր ազգային պարերից (Աճարուլի) սովորեցրեց հայաստանցի և արցախցի ճամբարականներին:
Յուրաքանչյուր օրը անց է կացվել ըստ ծրագրի, նախապես պլանավորված: Ճամբարականները սովորել են, սովորեցրել, քննարկել, լուսաբանել:
Ճամբարի ձեռքբերումնները.
- Չնայած մասնակից խմբերի ազգային և լեզվական տարբերություններին, բոլոր մասնակիցները միմյանց հետ շփվում էին անկաշկանդ, մտերիմ, հոգատար:
- Իրականաված ուսումնական արշավներն ու գործնական պարապմունքները հագեցնում էին ճամբարականների առօրյան, ձևավորում նոր հմտություններ ու կարողություններ:
- Հնարավորություն ունեցանք երկու փոքր խմբերով իրականացնել ուսումնահայրենագիտական ճամփորդություն դեպի Կողբ գյուղ:
- Ճամբար այցելեց ՀՀ բնապահպանության նախարարը իր աշխատակազմի հետ և շատ տպավորված էր նմանատիպ ճամբարի գոյությամբ:
- Նախարարին ներկայացվեց Էկոտուր 2015-ի նախագիծը և արժանացավ նախարարության կողմից աջակցության առաջարկին:
- Ճամբարի փակումը տպավորիչ էր, որի ժամանակ բոլոր մասնակիցները մեկ ընդհանուր թիմ էին՝թբիլիսիի սովորողը վարում էր հայերեն, արցախցին՝վրացերեն, բոլորը սեբաստացի էին:
- Շատ կարևոր էր Ռինա Շագինյանի օգնությունը. նա մշտապես վրաց խմբերի կողքին էր՝թարգմանում էր,բացատրում, ներգրավում ճամբարային բոլոր նախագծերին:
- Էկոտուրի մրցանակակիր բոլոր թիմերը ճամբարին եկել էին պատրաստված՝գիտակցությամբ, որ ունենալու են ուսումնական առօրյա,գործնական աշխատանքներ
- Կարևորում եմ տեղական լրատվամիջոցների արձագանքը Էկոճամբարին:
Ճամբարը ստացվեց, որի մասին վկայում են մասնակիցների տպավորություններն ու ներկայացրած նյութերը.
- Մի պատմություն անտառից
- Զիկատարից Կողբ
- Ամեն ինչ Զիկատար բառի մասին
- Թբիլիսիի թիվ 98 դպրոցի էկոճամբարային քրոնիկոնը
- Արտահայտվում է Բջնիի Էկո թիմը
- Բազմաղբյուրի էկո թիմը ներկայացնում է
- Դեպի Զիկատար
- Ճամբարը մեկ բառով
- Տավուշ TV-ի անդրադարձը Զիկատարյան Էկոճամբարին
- ՀՀ բնապահպանության նախարարի այցը Էկոճամբար
- Էկոճամբարը ինձ դարձրեց ինքնուրույն
- Էկոտուր 2014-ի էկոճամբարի փակման ծրագիր
- Գործնական պարապմունք Զիկատարի անտառում
- Զիկատարի ճամբարից պատմում է Բջնին
- Մի քիչ էլ Զիկատարի մասին
- Նկարաշար Էկոտուրի ճամբար ՀՀ բնապահպանության նախարարի այցից
- Ժպտում են Զիկատարից
- Արդեն հավատում եմ, որ Զիկատարում եմ
- Էկոհայրենագիտական զբոսանք Կողբ գյուղում
- Պատառիկներ Զիկատարյան միջազգային ճամբարից
- Տեսեք թե ով էր եկել մեզ ճանապարհելու Զիկատար
- Զիկատարի էկո ճամբարում
- Ճամփորդություն դեպի Զիկատար
- Ողջույններ Զիկատարի միջազգային ճամբարից
Ուսումնական նյութերի հրապարակումը դեռ շարունակվում է, իսկ շուտով պատրաստ կլինի նաև էկոճամբարի հաշվետու ֆիլմը:
Pingback: Օգնիր ինձ, խնդրում եմ…