Մարտի 31-ին, Փարաքար համայնքում, տեղի կունենա արցախյան հերոսների հիշատակին նվիրված պուրակի բարեկարգման աշխատանքներ։
2016 թվականին մի խումբ քաղաքացիներ հանդես եկան կենդանի հերոսներին նվիրված պուրակ ստեղծելու առաջարկով: Հիմքում հերոսներին երախտագիտություն հայտնելն էր: Պուրակում պետք է լինեին դեկորատիվ ու պտղատու ծառեր, ծաղիկներ, ցայտաղբյուր: Ծառերը խորհրդանշելու էին կյանքի վերածնունդն ու շարունակությունը, իսկ ցայտաղբյուրը՝ հավերժություն:
Նախատեսում էին բացումը կատարել 2017 թվականի ապրիլի 2-ին, սակայն չստացվեց.տարածք չէին գտել:
Կազմակերպիչներից մեկը՝ Կարինե Փանոսյանը, Asekose.am-ի թղթակցի հետ զրույցում ասաց, որ հարցն արդեն լուծվել է. Նյութն ամբողջությամբ՝ այստե՛ղ։
Բնապահպանական հանրակրթական ստուգատեսի շրջանակում «Մխիթար Սեբաստացի» կրթահամալիրը հեծանվաերթով սիրով իր մասնակցությունը կունենա մարտի 31-ի պուրակի բարեկարգման և ապրիլի 2-ի պուրակի ծառատունկի աշխատանքներին։ Նախագծին իր մասնակցությունն է հայտնել կրթահամալիրի տեխնոլոգիայի ուս․ կենտրոնի ղեկավար Կարինե Մացակյանը՝ պուրակի ինտերիերի ձևավորման խորհրդատվությամբ և բարեկարգման օրը տեղում չորացած ճյուղերից թռչնավանդակներ պատրաստելու, սովորեցնելու աշխատանքներով։
Մասնակիցներ
- Ղազարյան Միքայել
- Հազարումյան Գևորգ
- Ղամբարյան Տաթև
- Երանոսյան Արման
- Հովհաննիսյան Հայկուհի
- Սիմոնյան Հասմիկ
- Աբգարյան Էլեն
- Աբգարյան Հրաչյա
- Ասատրյան Նորայր
- Սարգսյան Անդրանիկ
- Հովհաննիսան Ռաֆայել
- Մացակյան Կարինե
