Ստեփանակերտյան պատում

10574298_598727483583486_3167510464547787395_nԷկոկրթական ծրագրերի փոխանակման նպատակով մենք հոկտեմբերի 20-24ը հյուրընկալվել ենք Արցախի Ստեփանակերտ քաղաքում: Մինչև ժամանումը ունեցանք կանգառներ Սևանում և Դադիվանքում: Ստեփանակերտի թիվ 7 դպրոց ժաամանելուց հետո մենք ծանոթացանք մեզ հյուրընկալել ցանկացող ընտանիքների հետ, որոնց հետ այնուհետև ուղևորվեցինք դեպի մեր նոր բնակարաններ: Երեկոյան կատարեցինք փոքրիկ զբոսանք, որին հաջորդելու էր մի անմոռանալի օր: Այսօր` հոկտեմբերի 21-ին, մենք ունեցանք էկո-դաս, որի ժամանակ ներկայացրեցինք մեր կայքն ու էկոտուրը և դիտեցինք նախորդ տարիների էկոտուրին հաղթած մասնակիցների պատրաստած տեսանութերը: Արցախ ТV-ն նույնպես ներկա էր, և նկարահանում էր մեր աշխատանքը: Այնուհետև ուղևորվեցինք Շուշի, այցելեցինք Ղազանչեցոց և Կանաչ վանքեր, մտանք Շուշիի երկրաբանական թանգարան, որից հետո ճամփա բռնեցինք դեպի Ստեփանակերտի հրապարակ, որին կից համերգասրահում տեղի էր ունենալու համերգ: Համերգը շատ վառ ու դրական լիցքերով ապահովեց մեզ, երգող Ռուբեն Սահակյանը` երգում էր ժողովրդական և հայրենասիրական երգեր: Համերգից հետո բոլորս ուղևորվեցինք մեր նոր բայց ժամանակավոր բնակարններ մի փոքր հանգստանալու: Մեզ հյուրընկալող ընտանքիը մեզ հյուրասիրեց Արցախի ավանդական ժենգյալով հաց և կարմիր գինի:

Մի փոքր էլ մեր ընտանքի մասին: Բնակվում ենք մի շատ հարմարավետ տանը, որտեղ մեզ հյուրընկալ է թիվ 1 դպրոցի սովորող Իսրայելյան Ասպրամը, իր փոքր եղբայրը, մայրը և տատին: Մեն քհասցրել ենք զրուցել Հայստանի և Արցախի դպրոցների մասին, կրթական համակարգերի միջև տարբերությունների, ինչպես նաև Արցախում սովորող երեխաների առավելությունների մասին: Մեր ընտանքի մայրը դասախոս է և Արցախի Բարբառագիտական կենտրոնի տնօրենը: Մենք պայմանավորվել ենք ունենալ փոքրիկ դաս Արցախի բարբառի մասին, պետք է սովորենք Արցախյան բարբառի ամենակարևոր տարրերը, որպեսզի կարողանանք ավելի հեշտությամբ հաղորդակցվել մեր բոլոր ղարաբաղցի ընկերների հետ: Մեր տան փոքրը` Ասպրամի եղբայրը, բավականին խելացի փոքրիկ է, ով վերջերս ստացել է սպիտակ գոտի Կարատե մարզաձևում: Մենք բազմիցս ոււնենում ենք հետաքրքիր զրույցներ նրա հետ: Շարունակենք օրվա խրոնիկոնը: Երեկոյան որոշեցինք դուրս գալ զբոսանքի: Այցելեցինք ”Մենք ենք մեր սարերը” հուշարձանը, պարեցինք մեր ավանդական վեր-վերին և ծաղկաձորին, որից հետո ունեցանք տարբեր բնութի զրույցներ ու արեցինք խառը սելֆիներ:
Օրը եզրափակեցինք մի բաժակ տաք թեյով Ստեփանակերտի ”Պիտաչոկ” սրճարանում: Բոլորս միասին էին, ուրախ ու կարևորը` ջերմ միջավայրում: Մեր անմոռանալի օրերը դեռ առջևում են: Բոլորիդ արդեն հասրցել ենք կարոտել, բայց միևնույն ժամանակ չենք ուզում հեռանալ Արցախ աշխարհից և մեր Արցախյան ընկերներից

Leave a Reply

Your email address will not be published.

AlphaOmega Captcha Classica  –  Enter Security Code