ԲՆԱՊԱՀՊԱՆԱԿԱՆ ՀԱՆՐԱԿՐԹԱԿԱՆ ՆԱԽԱԳԾԵՐԻ ԱՄԵՆԱՄՅԱ 8-ՐԴ ՍՏՈՒԳԱՏԵՍ

Կազմակերպիչ՝ «Մխիթար Սեբաստացի» կրթահամալիր
Աջակիցներ` ՀՀ ԿԳ նախարարություն, ՀՀ բնապահպանության նախարարություն

Էկոտուրի նպատակը՝  հայաստանյան արդիական բնապահպանական խնդիրները հեղինակային հանրակրթական ծրագրի բովանդակության մեջ ներառել, տարատարիք սովորողների ուսումնական նախագծերի միջոցով հանրության ուշադրությունը սևեռել բնապահպանական խնդիրների վրա, այդ խնդիրների լուծման ուղղությամբ ջանքեր գործադրել, էկոկրթական կամուրջներ, էկոկրթական փոխանակումներ իրականացնել՝ շրջակա միջավայրը բարելավելով ուսումնական աշխատանքներով։

Էկոտուրին մասնակցում են Հայաստանի,  Վրաստանի, Արցախի և այլ երկրների հանրակրթական դպրոցների խմբերը՝  ներկայացնելով  շրջակա միջավայրի բարելավման գործնական նախագիծ:

Աշխատակարգ, ժամանակացույց

Մարտի 1-ից՝

• Էկոտուր 2018-ի թեմաներով բնապահպանական խնդիրների ձևակերպում. նախագծերի մշակում, իրականացում
• «Դպրոցական բակը պարտեզ» նախագծեր կրթահամալիրի դպրոցներում
• «Կրթական պարտեզ բնակելի արվարձանում» Սարալանջ
• Նոր գործընկերների ներգրավում ուսումնական նախագծերում

Մարտի 19-ից ապրիլի 6-ը՝  բնապահպանական ուսումնահետազոտական աշխատանքներ

• Լրագրողական խմբերի այց Երևանի և Երևանից դուրս գտնվող ջրանցքներ, լուսանկարչական աշխատանքներ, ցուցահանդես
• Հանդիպումներ բնապահպանության ոլորտի մասնագետների հետ

Մարտի 26-30՝ բնապահպանական գարնանային բաց ճամբար.

Մարտի 21՝ Ջրի համաշխարհային օր 2018.  Հայաստանի երկրաբանական թանգարանում մասնակցություն «Բնությունը ջրի համար» խորագրով մրցույթ-միջոցառմանը «Գետը Համայնքում» նախագծով

Ապրիլի 22՝ Երկրի օր

Ապրիլի 23՝ բնապահպանական դպրոցական, խմբային, անհատական նախագծերի ներկայացման մեկնարկ

Ապրիլի 24՝ հիշատակի ծաղկատունկ, բարեկարգման աշխատանքներ

Հունիսի 5՝ Շրջակա միջավայրի օրը

Էկոտուր 2018–ի թեմաները

• «Դպրոցական բակը պարտեզ» նախագիծ
• «Կրթական պարտեզ բնակելի արվարձանում»
• Թափոններ
• 2800 խնդրով Երևան. Երևանի բնապահպանական խնդիրները
• «Գետը համայնքում» նախագիծ
• Հանքարդյունաբերությունը

Ստուգատեսի գործընկերները

Ստուգատեսի համակարգող Հայկուհի Հովհաննիսյան